Aizawl: Aizawl North II bialtu MLA Dr. Vanlalthlana chuan nimin khan a bial chhunga Quarantine Centre hrang hrangte tlawh kualin, veng hrang hranga Local Level Task Force-te nen inkawmhona an nei a. Veng thenkhat LLTF harsatna tawhte pawh chinfelpui turin hma a la nghal a ni.

Dr. Mathlana chuan Karnataka atanga rela lo haw zingah S-15 coach-a chuangte an quarantine-na MSSC Administrative Office, Ramhlun Venglaia awm chu a tlawh nghal bawk. Dr. Mathlana chuan he quarantine centre-a awm mi 54 te an lo thlen tur a veng awmna Local Level Task Force hrilhhriat an nilo chu a fello hlein a hria a, State dang atanga lo haw te, R. Dengthuama Indoor Stadium atanga quarantine centre hrang hranga an sem darh dawnin an awmna tur Local Level Task Force-te hriattir lawk ngei ni thei se tha a tih thu a sawi bawk.

Dr. Mathlana hian Aizawl North II huam chhunga veng hrang hranga Local Level Task Force-te hnenah hian hand sanitizer, gloves, surface disinfectant leh mask-te a pe a bawk.