DOWNLOAD OUR APP

Read latest news on your phone
app-store
MLF ten ram siam that nan zirlai tha an dah pawimawh
Oct 27, 2019

Aizawl : Zirlai harsate tanpui tura pawl din Michael Lalmanzuala Foundation (MLF) ten an hmalaknate an puannaah, an pawl president Lalmanzuala chuan, “Kan kal dan pangngaia kan kal zel chuan kan hnam hian kan daih rei tawh lo ang tih ngaihdan nei hi kan awm nual a ni,” a ti a, ram siam that nan zirlaite a dah pawimawh hle.

Lalmanzuala chuan Mizoramah tlawmngai pawl hrang an tam a, political party pawh kan nei, mahse, anni hi kal dan nghet nei sa an nih avangin beisei tur an awm chuang lo niin a sawi a, thangthar zinga mi hmantlak chherchhhuah chu kawng awmchhun leh hnam anga kan dinchhuahna tur niin a sawi.

MLF hian a tum ber chu zirlai tum ruh lehkha thiam si, sum harsat avanga zir zawm thei lo te zawnchhuh a, an zir chhunzawm theihna tura sum leh paia tuam hlawm a ni a, amaherawhchu heng zirlai an chawm tur te hi an mizia leh an nungchangte erawh an zirchhiang hmasa zel dawn a, chumi thlang tur chuan MLF Governing body hian Selection Committee a ruat thin dawn a ni.

Zirlai an thlan chhuahte chu MLF-in kaih-hruaina dan an siam tha taka zawm an ni tur a ni a, an kaihhruaina dan zawm tha lo te chu an tanpuina hi an tihtawp nghalsak thei dawn a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh