February 7, 2024; ZPM Thalai Headquarters chuan thuchhuah siamin, "MNF hian MNF nih hi an lo tlin ber mai niin ZPM thalai chuan a hria," an ti.

Thuchhuah an siam a an tarlan danin, facebook-a account lem (fake) hmanga ZPM leh ZPM Leader Lalduhoma, tualthahnaa inhnamhnawih anga mualpho taka puhtu Rosangpuia Jongte, MNF party Headquarters-a Joint Secretary ni mek, cyber crime police station-in chak taka a chhui chhuak ta chu lawmawm an ti a.

MNF Party hruaitu-ah tlanchhe chunga thubelh chian dawllo hmanga party dang bei thin an awm chu pawi an ti a; MNF ministry-a cabinet minister leh a thuihruai khati zat maiin a thlavang hauhva zuitu a nei kha a vanduaithlak an tiin, MNF hian MNF nih hi an lo tlin ber mai niin ZPM Thalai chuan a hria, tiin an tarlang.