Aizawl May 11, 2024 : MNF Party chuan ZPM Secretary TBC Lalvenchhunga'n SASCI sum chungchanga sawiho-a an sawmna chu a hnuaia mi ang hian an chhang let.

To

The Secretary,

ZPM Legislature Party;

Mizoram, Aizawl.

Ref : N0. ZPM-Legislature/9thAssy/2024-2025/Gen/2. , Dated 10th May 2024.

Ka pu,

   A hmasa in, ZPM Legislature Party tluangtak a in kal chhoh zel kan beisei in duhsakna kan hlan a che u.

ZPM Legislature Party in Media hma a “Common Platform” hmang a SASCI chungchang sawihopuia min sawmna, Dt 10th May 2024 tlai ah kan lo hmu a, MNF Legislature Party chuan a sawiho nghal a, a hnuaia mi ang hi kan thutlukna ani tih ka han hriattir a che.

Kei ni MNF Legislature Party chuan ram leh hnam tana thil/thu pawimawh leh sawiho tur awm ah, Democracy ropuina leh Legislator te zahawmna vawnhim tul kan ti a, Media kaltlang a Common Platform ni lovin, Legislative Assembly House ah ngei Special Assembly Session ko a, ZPM Sawrkar inthlahdah na a vanga, SASCI sum Cheng Vaibelchhia Zahnih Sawmthum pathum(233 Cr) chuang zet luangral (Lapse) chungchang hi sawiho ngei tha kan tih thu ka han hriattir a che. Sawrkarna chelhtu in nih angin Special Assembly Session koh pawh in thuneihna ani a, May 2024 chhung ngei a he thupawimawh hi sawiho kan chak hle mai.

Budget Session 2024 kal liam ta ah khan, Opposition bench lam a tang pawh in, SASCI scheme hnuai a Sum hi a luanral leh thil danga hman kan hlauh a vangin, thahnem ngai tak a kan rawn au chhuahpui in awmzia anei ta lo kha pawi kan ti tak zet ani. Tun a SASCI 1st Instalment pawisa Vaibelchhia 266 chuang sawrkar in kawl mek pawh hi hnathawktu te hnen ah arang lama pechhuak thuai tur in kan phut tlat a che u.

Tuna Sum Lapse Cheng vaibelchhia 233 chuang zet hi , hmuh let leh anih ngei theihna tur in Sawrkarin hma in lak ngei kan phut a, keini MNF Legislatur Party chuan kan theihna ang ang a Sawrkar tanpui che u hi kan in huam reng ani.

Ram tana I thawh pui,

(R. ROHMINGLIANA)

Secretary