Aizawl June 30, 2023 : MPCC Vice President Lal Thanzara chuan, MNF sawrkar-in an sawrkar dawna an thil tiam an tih hlawhtlin leh si loh a bu a siam tham a awm tawh a ti. BJP sawrkar hnuaiah Mizoram Synod pawhin income tax an pek a ngaih tawh thu a sawi.

Tuirial Block I Congress Committee Political Training Hortoki-a a hmanpui naah MPCC Vice President chuan, "MNF sawrkar chu Chief Minister ber in sum a atchilh nasat em avangin, a Cabinet Minister te pawh in an atchilh phah vek tawh a, sum an atchilh nasat avang hian an sawrkar hma a mipui te hnena an thutiam kha pakhat mah tih hlawhtlin an nei lo a, an thutiam an tih hlawhtlin loh hi a bu a siam tham a ni tawh," a ti.

MPCC Vice President chuan BJP sawrkar hnuaia ram pum chu sawi loh, kan thenawm state leh kan state ngei ah pawh politic avangin kan buai mek. Politics hi ngaihven lo inti te pawn Mizoram buai lai leh vawiin thleng a kan chhehvel dinhmun hi  ngaihtuah ngun a hun tawh hle a, eng politics ah nge kan awm tih pawh kan ngaihven a pawimawh hle a ni, a ti a. 

India rama BJP sawrkar hnuaiah Kristian ten harsatna an tawk  mek tih sawiin MPCC Vice President chuan, "Mizoram Synod pawn tun hma a an pek ngai reng reng loh income tax nuai engemawzat an pek a ngai mek a ni," a ti.

Manipur-ah pawh BJP kaihhruai ten kristian te an tiduhdah mek a, in sang tam tak hal sak an ni a, Biak in te hal a ni a, nunna chan tam tak an awm mek laiin, BJP sawrkar hian engmah a sawi duh lo a ni, a ti.

MPCC Vice President chuan BJP hian Mizoram ah MLA pahnih khat tal an neih theih na tur nasa takin an dap dawn tih sawiin, sum pawh an theh chhuah san ngam hle a rin thu a sawi a, hei hi BJP in an thawh pui MNF party an rin zawh tawh loh vang a ni, a ti a. MPCC Vice President chuan Congress party chu Mizoram a remna leh muanna a awm theih na tur a Pathian ruat a nih thu sawiin, hmasawn na ruhrel kan neih tawh zawng zawng te hi tu te sorkar tih nge tih kan ngaihtuah a ngai a ni, a ti bawk.

ZPM chung chang sawiin Lal Thanzara chuan, "Pu Lal Thanhawla ten an khum an ken hial pawn chhuat daia min mut tir a ti duh a, hetiang mi hi Chief Minister a nih ka ring lo a. ZPM hotu pakhat phei chuan ZPM hian MLA 21 hi nei ta ila, kan sawrkar ka ring lo, kan buai em mai a ti. VUC an tih te pawh thlan tlin loh te thu hnuaiah thlan tlin an awm ngai lo a, tun atangin VUC thu hi MLA ten an palzut ngal char char a ni," a ti bawk.