Aizawl: Mizo National Youth Front(MNYF) Headquarters chuan October ni 27, 2002 (Ningani) zan khan IIT, Kharagpur atanga Computer Science & Engineering-a Doctorate Degree hmu thar F. Lalchhandama s/o FC Lalrinawma, Siaha chu a chenna Mission Vengthlangah lawmpuina hun neiin, chawimawina thuziak leh pangpar an hlan.

He lawmpuina inkhawm hi MNYF Vice President Zodinpuia chuan a kaihruai a. He huna thusawitu MNYF President L. Thangmawia chuan  “Dr. F. Lalchhandama hlawhtlinna hi Mizo thalaite'n kan lawmpuiin kan chhuang hle a, University of Texas, St. Antonio, USA-in Post Doctoral fellow atana an thlang leh zelte hi a ropui kan ti a, a kal zelna turah duhsakna hlan chungin a thiam leh finna te kan ram leh hnam tana hmang zel turin kan ngen nghal a ni,” a ti. 

MNYF President chuan, “Mizoram chhunga zirna In hrang hrang a?anga zirchhuak tho zirlai panga - Simon Lalremsiama, Shangpliang (IIT-Guwahati), Gabriel Vanlalbera (IIT-Bhubaneswar), Lalchhanhima (IIT-Dhanbad), Vanlalmuanpuia (IIT-IIT-Madras) leh Malsawmzuala Khiangte (IIT-Bhubaneswar) te'n kumin 2022-a IIT-a lut tura entrance test hautak tak an paltlang hi Mizo ?halaite'n kan lawmpuiin kan chhuang hle a, hlawhtling taka zirchhuak turin duhsakna kan hlan a ni,” tiin “Mizoram zirna hi India ram mai ni lo,  khawvel level-ah pawh a chhe bik lo tih heng zirlai chhuanawm tak tak te'n an rawn ti lang a. Mizoram sawrkara zirna lam thawktu zawng zawngte pawh kan lawmpui a, heng an hlawhtlinna hi Mizo zirlai ten chona a ngaia an hniakhnung kan zui a ngai a ni,” a ti bawk.

Dr. F. Lalchhandama pawhin thu sawiin, MNF thalaite'n zirna ngai pawimawha a hlawhtlinna an lawmpui chu lawmawm a tih thu a sawi. “Mizo thalai tam zawkte hi IIT-ah lut thei se ka duh hle a, IIT-ah chuan zirna atana facilities leh resource-te an tha em em vek a. Mizote thluak hi a tha em em a, vai hovin Middle school an kal lai atanga IIT-a lut tura an inbuatsaih tawh thin laiin keini ah chuan class XII kan zawh hnuah kan tum tlai khaw hnu leh thin a, chuti chung chuan kan la el pha tho a ni,” a ti.