Aizawl: MNF Thalai chuan eptu party thalai MPYCC in ram hmasawnna hna thawhna tur work order an hal chu pawi an tih thu an sawi.

Nimina thuchhuah an siamah MNYF chuan sawrkarin work order a siam reng reng chu ram hmasawnna tur vek a ni tiin a thawktu chu tu pawh ni se, eng party mi pawh ni se, an hnathawh tur kha ram hmasawnna tur vek a ni a. Hemi a nih avangin work order tihchhuah hi eng sawrkarah pawh, eng hunah pawh a thleng reng niin an sawi a. MNF Thalai chuan chutiang a nih laia Congress Thalaiin work order an hal hi, ram hmasawnna dan chah an duh em ni tiin, 'Congress thalai hian work order an hum thinte kha ram hmasawnna atana hmang lovin an mimal hmasawnna atan an lo hmang thin zawk em ni tih kan zawt a, hetianga mipui rilru hruai kawi tuma chetna maksak tak mai hi kum zabi 21-naah hi chuan ching tawh lo se kan duh hle a, mipui vantlang tana thil tha tih tur an hriat ngang loh chuan inah awm ve mai mai rawh se tiin thu kan rawn a ni,' an ti bawk.