Aizawl: MNF Thalai chuan Zirtawpni a Congress Thalai chetdan chu an dem tih sawiin Congress President court kal vanga boruak thupna nia an hriat thu an sawi.

Nimin khan MNF Thalaite hian thuchhuah siamin Bharat Hitaraksha Abhiyan (BHA) intiten lungawi lohna lantirna atana CM office an hmang pawh tih tawh naka laia a belhchhah tura Congress Thalaite an rawn pen chhuak leh ta mai chu ram rorelna tihbuai tumna nia an hriat thu an sawi a. Congress-ten CM Bangla luhchhuah an tum chhan chu Zirtawpni September 13, 2019 kha Congress President Lal Thanhawla, Chief Minister hlui corruption thil avanga a court kal ni a ni a, hemi boruak thup tum nan boruak dang an siamna mai niin a lang, an ti a.

Congress Thalai chuan office-a inluh chhuaha tharum thawh an lo ching thin niin an sawi a. Bharat Hitaraksha Abhiyan (BHA) intite hi Congress fuihpawrha che an nih an rin thu leh PM hnena Mizote min hektu nia Congress Thalaiin an tarlan twitter account pawh tun thla, September maia siam a nih avangin an fake account a nih an rin thu an sawi bawk.