Aizawl: All India Congress Committee Secretary i/c Mathew Anthony chuan Prime Minister Narendra Modi kaihhruai sawrkar hnuaiah thil man a to chakin hna nei lo an pung chak hle niin a sawi.

Nimin khan Congress Bhavan-ah chanchinbumite kawmin AICC secretary chuan, “PM Modi sawrkar hnuaiah thil man a sang chak em em a, hetih laiin hna nei lo an pung chak bawk a. He sawrkar hnuaiah hian mi retheite an rethei tawlh tawlh a, hausate an hausa thur thur mai a ni,” a ti.

Manipur buaina chungchanga Prime Minister leh Home Minister in thu leh hla an nei lo chu a dem tih sawiin, “Prime minister leh Home Minister Amit Shah te hi Karnataka asembly inthlanah ni sarih an campaign theih laiin Manipur a remna leh muanna a awm theih nan ni khat pawh hun an pe thei lo a ni,” a ti a. Mosi kaihhruaina hnuaiah corruption a pung chakin lo neituten ngaihsak an hlawh lo niin a sawi bawk.