Covid-19 avanga khawvelin harsatna nasa tak a tawh mek laiin hri hlauhawm tak dang monkeypox a leng tan leh mek a, ram 12-ah a darh leh tawh. Monkeypox avang hian tun hnaiah mi 100 bawr velin nunna an chan tawh niin tarlan a ni bawk. 

Monkeypox hi monkeypox virus atanga insiam niin, kum 1958 daih tawh khan Zawng atangin hmuhchhuah a lo ni tawh. Kum 1970 khan Democratic Republic of the Congo-a naupang kum 9 mi chuan a kai tih hriat chhuah a ni a, hei hi mihringah hmuh chhuah hmasak ber niin inkaichhawn theih a nih avang hian fimkhur a ngai hle. Central leh West Africa ram hrang hrang atanga rawn awm tan niin, khawsik, bawl nasat tak leh nantna dang hmangin a lang chhuak thin - kar hnih atanga kar li chhung a awh tlangpui bawk.

World Health Organization chua monkeypox hi ram hrang hrangah a darh tan leh mek tih sawiin, May 7 khan Europe ramah hmuh chhuah tan a ni. Hriat theih chinah ram 12 velah a darh tawh a, thihpui pawh an awm belh zel. Hetih rual hian mithiamte chuan Covid-19 anga khawvel tuam chhuaka darh huk chi a nih an rin loh thu an sawi a, inkaidarh pawh a  harsa zawk niin an sawi.