DOWNLOAD OUR APP

Read latest news on your phone
app-store

Movie review 'Driver Kima'

May 10, 2022

A movie trailer leh promotional video hrang hrang ente chuan a hlimawm lam vek turah an ngai ngei ang - an ring sual lo bawk mai thei nuihna tur a tam em mai. Mahse a hlimawm leh nuihzat thlak zawng vekin a kal ral hauh lo, a mood-a chen tak tak chuan mittui a hnai sam riau zawk tlat mai! 

A movie trailer leh promotional video hrang hrang ente chuan a hlimawm lam vek turah an ngai ngei ang - an ring sual lo bawk mai thei nuihna tur a tam em mai. Mahse a hlimawm leh nuihzat thlak zawng vekin a kal ral hauh lo, a mood-a chen tak tak chuan mittui a hnai sam riau zawk tlat mai! 

A tirah entute tan rilru pe lutuk lo pawha en liam theih maiin bul an tan a, a hlimawm zawng lam zelin thil a kal. Chumi karah romantic zawngin a her leh a, entute tan chuan a phurawm chho tan viau mai. Driver Kima inla zei vel lutuk te kha a hnua thil thleng leh ngaihtuah chuan a hlimawm zual ngei mai - nuih insum har tak a ni.

Lil Toto mawlh mai khan a tihmuhnawm, a che zia leh khawsak dan zawng zawng kha 'a bu ang thlap' an tih ang chi kha a ni. A role a hneh sawh em em a, a u Driver Kima'n nula a kalpui laia thil a chah zet kha chu a tak taka thil thleng nise hnar a lian duh mai mai ang chu aw!

A movie kalphung tur tih lan nan Diver Kima a inlan chho a, zu leh hlimhlawp karah Mizo tlawmngaihna a lan tir avangin hna tha tak a hmuh phah. Chutah, Auto rickshaw a khalh laia a passenger, a star em em mai kha a hna thawhna hmuna amah kaihhuaitu tur a lo ni - a pui chho tan!

An pu chuan hrethiam ni awm takin inzui chhuahna hun remchang a siam sak ta fo a, nuam an tidun kher mai. An hna thil avanga an zindun hial a ngaih tak hnu chuan Driver Kima pawh chu a Madam lakah chuan a tlangnel ta mah mah emaw tih turin a khawsa - a zia tak tak a chhuak chho tan ta!

Chutah, hmun remchang laiah a chawlhpui a, rin loh deuhin a che zui. An hlim dun em em hnua an tlan leh chiah kha chu 'khawvel chen' an inti viau ang - mahse an hlim lai a rei lo kher mai. 

Hlimna atangin lungngaihna ruamah...
An rin loh leh beisei loh lamah thil a thleng a, a story tak tak a inherchhuak tan. A nuam leh hlimawm lam kalsanin lungngaihna leh buaina ruamah an tlu lut a, engkim a buai zo ta vek. 

Thudik hailang turin Driver Kima a chet a ngai a, police ten an man mai loh nan a biru zak zak. A talbuai ber laiin an pu chuan hna atangin a ban a, hun khirh tak a hmachhawn. Mahse thudik hailan a tum tlat avangin a beidawng duh lo a, a tawpah chuan a ding chang ta nge nge. Sawi dawn chuan sawi tur a tam khawp mai, sawi vek sen pawh a ni lo zawk - en la i chiang kawk mai ang!

Share now