Aizawl: Mizoram Rajya Sabha MP K.Vanlalvena chuan Meidum khuaa gas 
lakchhuah theih dan tur IGCL hotute a sawipui.

Rajya Sabha MP hian Ningani kalta zan khan Mizoram House  Delhi ah 
Assam Gas Company Managing Director Gokul Swargiyari chu kawmin Kolasib 
district Meidum khuaa Gas lakchhuah theih dan tur te leh IGGL in Guwahati 
atanga NE state hrang hrangte thlun zawm tu tur Gas pipe line an phum mekin 
Mizoram a thlen theih dan tur chungchang a sawipui a. He Gas pipeline hi 
Guwahati atangin Meghalaya rawn kal tlangin, Karimganj District a rawn paltlang a. 
Mizoram-Assam- Tripura trijunction kaltlangin Kanhmun ah rawn thleng tura 
ruahman a ni a. Kum 2024 ral hma a Kanhmun rawn thlentir hman beisei a ni.

Meidum ah hian ONGC te chhut danin 2.28 BCM Gas a awm ngeia hriat 
a  ni a. Chief Minister Zoramthanga'n a sawm angin Assam Gas Managing 
Director leh IGGL CEO te  Aizawl ah lo kalin meeting an neih thuai beisei a ni.

Mizoram a Natural gas te lakchhuah a  hman tangkai a nih theih nan 
nikum November thla khan Mizoram Chief Minister chuan Central sawrkar 
thuneitute a lo sawipui tawh a. Central lam thuneitute thurawn angin IGGL leh AGC 
hotute nena indawrna hi kalpui tan a ni.

Rajya Sabha MP hi Additional Resident Commissioner Alexander 
V.Chawngthu leh Er. Vanlalduhsaka Member RIDB ten an tawiawm a ni.