Aizawl: Bru Welfare Union India chuan Rajya Sabha MP in hma a laksak avangin lawmthu an sawi.

Bru Welfare Union India thuchhuah tarlan danin Draurai S/o Thangphiaia, New Eden, Mamit District, Delhi-a mi ina inhlawha awm chu an awmna ten kawng hrang hranga an tih duhdah bakah a hlawh thla thum lai mai an pe duh lo bawk a. A harsatna hi hriain Rajya Sabha MP K.Vanlalvena chuan Delhi Police kovin Police te kaihhruaina hnuaiah hian Draurai awmna inah hian kalin thla thum hlawh an bat sak pawh an lo pe niin an sawi a. 'Hetianga Mizoram khua leh tui tana pa nih tling tak MP K.Vanlalvena kan nei hi keini Bru Welfare Union India, General Headquarter Tanhril Aizawl chuan lawmawm kan ti tak zet a, a chungah lawmthu kan sawi tak zet a ni' an ti.