Aizawl: MPC Party chuan Mizoram sawrkarin Aizawla partial lockdown a kalpui chu kan hun tawngin a zir bawk avangin tha an ti a. Hetih rual hian tun tuma lockdown inkaihhruaina danin a huam ve loh number 15 zingah political party hruaitu lute telh an ni ve lo erawh pawi an ti hle tih an sawi.

MPC party chuan Mizoram state ngei pawh Covid -19 hripui kara leng mek kan nih ve tak reng avang hian, a chhunga cheng ram mipuite himna ngei pawh a derthawng ta hle niin an sawi a. Hetih lai hian he hripui chimawm tak hi do let a, hnehna chang ngei turin a bikin, mipuite hma hruaitu sawrkar dinglai leh political party tinte tang tlang turin an sawm bawk.