Aizawl: MPC party chuan social media lamah party inchirh-thehna hmanrua atana thumuhnu kaihthawh ching an awm nia sawiin demawm an ti hle tih an sawi.

MPC chuan Mizoram, rambuai a nih laia Brig.TSailo-a kaihhruai PC party-in buaina hrang hrang leh tualthihna hial a tawhte denchhena, party thenkhat mi leh sa ten tute party emaw chachhuah nan leh dem nana Social media lama an lo ramtang ve ngawt mai chu mahni kuang lo nawr ching an nihzia a tilang chiang hleah an ngai tih an sawi a. ‘Hetianga rambuai laia politics kal sual avanga tualchhunga inrikrapna leh inthahna hial PC party-in a lo tawrh tawhnate hi tute party emaw chirhtheh nan leh mahni party hamthatna hmanrua atana hman MPC party chuan engti kawng mahin kan remti ngai dawn lo a ni,’ an ti bawk.