Aizawl August 15, 2022 : August ni 13, 2022-a Congress Party-in thuchhuah an siam "Tunlai kawng chhia hi MNF sorkar inthlahdah vang a ni," an tih chu MNF chuan chhangletin, "An mahni pawhin an awih loh, dawt a nih an chian em em hmangin thuchhuah an siam," an ti. MPCC chu he thuchhuah avang hian an President Lalsawta mawng hlim-ah an puh bawk.

MNF chuan, "MPCC thuchhuah hian an sawrkar kum 3 chhung ruah tui tam avangin kawngpui siamna hun a awm mumal lo, an ti bawk a. Khatih laia thil awmzia hria a, hmu ve rengtu mipuite min bum an tum talh ngam hi a Congress zia a, an inhmeh hle.
Congress party hi tih-at-in an awm zo tawh a, dawt awihawm deuh phuah tur pawh an hre tawh lo-ah MNF chuan kan ngai a ni," an ti.

MNF thuchhuak chuan Zoramthanga kaihhruai sawrkar hian kawng hi hmasawnna atana pawimawh a nih hriain a ngai pawimawh hle, an ti a, "Congress thuchhuahin a tarlan ang a, kawng siamna tur nuai 8595.19 Congress sawrkar khan a dah a nih chuan, engatinge kawng siam nan an hman mai loh? Sum nei tun chunga kawng an siam thei lo kha, khatih laia Finance Minister, tuna MPCC President ni ta tlaw vang a ni em? Sum tam tak a tulah pawh hman theiha buatsaih thei lo Finance Minister, tuna an MPCC President ni ta an tih mualphonaah MNF chuan kan ngai, MPCC hian an pu ber mawng sang takah an hlim a ni." an ti.
.
"Congress sawrkar lai khan Mizoram dung tluan leh khaw chhung kawng zawng zawngte a chhe em em vek a. Khaw hrang hrang leh pawl hrang hrangin hnatlangin kawng an siam sup sup a. Sawrkar khan zak hauh lovin kutkuang kuahin kawng siama hnatlang mipuite kha min thlir vel mai mai a ni," an ti bawk. 

Zoramthanga sawrkar hnuaiah kawng ngaihpawimawh a nih thu sawiin MNF chuan, "MNF sawrkar a lo pian khan Chief Minister chuan kawng a ngaih pawimawh em avangin PWD a chang nghal chat a. Sum tam tak sengin kawng siam hna thawh nghal a ni a. Khaw kar kawng mai ni lovin Aizawl leh khaw hrang hrang khawchhung kawng pawh a lo tha ta hle a ni, tih hi a hretute Zoram mipui kan ni," an ti.

MNF chuan, Mizoram hmun thenkhatah Company thenkhatin kawng laih zauh hna an thawk mek a. He kawng laih zauh mek avang hian hmun thenkhatah kawng a chhe rih lo thei lo a. Tunhnai ruah sur nasa avanga kawng khuar thar a awm leh ta leh leiminin kawng a tihchhiat a awm nual thu erawh phat thu a awm lo, an ti.

MNF thuchhuak chuan Zoramthanga kaihhruai sawrkar hian kawng hi hmasawnna atana pawimawh a nih hriain a ngai pawimawh hle, an ti a, "Congress thuchhuahin a tarlan ang a, kawng siamna tur nuai 8595.19 Congress sawrkar khan a dah a nih chuan, engatinge kawng siam nan an hman mai loh? Sum nei tun chunga kawng an siam thei lo kha, khatih laia Finance Minister, tuna MPCC President ni ta tlaw vang a ni em? Sum tam tak a tulah pawh hman theiha buatsaih thei lo Finance Minister, tuna an MPCC President ni ta an tih mualphonaah MNF chuan kan ngai," an ti bawk.