Aizawl August 13, 2024 : AMC Ward-VI Bye-Election, August ni 22, 2024-a awm tura campaign kal mek chhunzawmin tukin khan Chanmari West MPCC leh MNF Unit ten Joint Meeting an nei a. MPCC Vice President C. Ngunlianchunga, MLA leh MNF Sr. Vice President Dr. R. Lalthangliana ten an hmanpui.

MPCC & MNF Unit Joint Meeting neihnaah hian Bye-Election Campaign neih meka hma lak chhunzawm dan turte ngaihtuah ho a ni a. Party hruaitute hnen atangin fuihna thu ngaihthlak niin, AMC Ward-VI Bye Election-ah MPCC & MNF Candidate inṭawm Lalrinfeli'n hnehna a chan ngei theih nan party pahnih ten inlungrual taka thawhhona thuthlung an siam vawng nung tlat chungin a tawp thlenga theihtawp chhuah zai an rel.

MPCC & MNF Common Candidate Lalrinfeli vote theuh turin Ward-VI mipuite khawngaihna an ngen nawn bawk.