Aizawl: MPC Thalai Gen. Hqrs, chuan September 26, 2019 (Ningani) a MSU District Head Quarters Kolasib seminar buatsaih -ah Home Minister Pu Lalcham liana' n "MNF leh India sawrkar inremna kha Mizote tan tha ber tura siam a ni,'' tia a sawi chu an helh hle a. Mizo mipuite thamlohna leh zirlaite bum tumna lian takah an ngai.

MPC Thalai hian nimin khan thuchhuah siamin MNF leh India sawrkar inberem tura hmalakna kalpui a nih lai khan, MNF hruaitute chuan Chakma Autonomous District Council nuaibo na tur ruahman a nih thu PC President Brig.TSailo hnenah ziakin an rawn thawn niin an sawi a. Kum 1986 -a India leh MNF ten inbiakremna thuthlung an siam Memorandum of Settlement ah chuan Chakma Autonomous District Council paihna thu reng reng ziahlan a ni leh ta si lo niin an sawi.