Baptist Church of Mizoram (BCM) assembly hnuaia rorelna sang ber, Assembly Executive Committee chuan Mizoram People’s Forum (MPF)-a tel ve chu a rem lohna awm lovin an hria a, Assembly 2025-ah thlen leh ni se an ti thung.

Ningania BCM Hall, Headquarters Office, Serkawna executive committee thukhawm chuan Assembly 2024 rorelin MPF-a tel ve tura sawmna ngaihtuaha zir chian leh ni se tia thu a dah chu ngaihtuahin hma la tura ruatten an hmalakna an report te an thlir a. MPF leh a thawhpui kohhran pawlte rawna an zirchianna atang leh Council of Churches in Mizorama thawkho tura ruahmnna kal mekte thlirin an tan tel ve hi a rem lohna a awm lovin a hria a, Assembly 2025-ah thlen an rem ti a ni. 

Assembly Executive Committee thutkhawm hi BCM President Rev. F. Ramdinmawia’n a kaihruai a, General Secretary Rev. R. Lalbiakliana’n department hrang hrang report khaikhawmin a pe a. Meeting-ah hian member 299 an kal a ni.