ZALEN July 21, 2025: Mizoram State Commission for Protection of Child Rights (MSCPCR) chuan vawiin khan Aizawl Police Station OC Lalnunmawia hnenah YouTuber, Michael Siakeng NicholasS lakah FIR an thehlut. 

MSCPCR chuan Zirtawpni (18.07.2025) khan YouTube Channel neitu pali (4) te chu naupang pakhat harsatna tawk chu a nihna chhuichhuah theihna tura video an YouTube Channel-a an upload avangin a ko a. 

A chhan leh avang sawi lova he huna in lan lo - Michael Siakeng NicholasS lakah hian BNS Section 206 - Absconding to avoid service of summons or other proceeding behchhanin FIR hi Commission aiawhin Darthakunga, Member, MSCPCR chuan a thehlut a ni.