September 12, 2023; Mizoram State Commision for Women (MSCW) chuan, Social media-a Mizo nula leh tlangval mipat hmeichhiatna rawngkaia an chetla thin chungchangah uar zawka inzirtirna tha nei turin kohhrante a ngen.

Kohhran hrang hrangte hnen a ngenna a thlen ah Mizoram State Commission for Women chuan tunlaia sex video leh mipat hmeichhiatna lama rilru hruaikawi thei tura Mizo thalai, a bikin Mizo hmeichhiate social media-a an inpholang thin hi a vei hle tih tarlangin, hemi chungchangah hian Order dt. 11.09.2023 [in MSCW Case (Suo Moto) No. 45/2022] pawh a tichhuak nghe nghe tih a tarlang.

Hetianga ual-au taka mipat hmeichhiatna rawngkaia social media hman chungchangah hian inzirtirna tha leh him zawk kan thalaite hnenah uar taka kalpui hram turin Mizoram State Commission for Women chuan a ngen tak meuh che u a ni, tiin ngenna an siamah chuan an tarlang bawk.