Aizawl: Transport Department chuan Mizoram State Transport bus te chu service turin a ruahman tan a, rokhawlhna dang a awmloh chuan November ni 15, 2021 atanga tlan tan theih an beisei.

ZALEN-in transport department thawktute hnen atanga thu a dawn danin bus hi tlan tan theih anih dawn leh dawn loh an thlithlai mek tih an sawi a. “Krismas a hnaih tawh avangin zin veivak ten kalna tur an mamawh dawn avangin service theih a ni em tih hi kan zirchiang mek a. Sawrkarin SOP thar a tih chhuah te en chungin November ni 30,2021 atanga service tan turin kan in ruahman a ni,” an ti.

Transport department ruahman dan chuan bus hi Mizoram chhungah chauh service a ni hrih dawn a, phai lamah chuan ngaihtuahna thar sengin an la tlantir dawn chauh niin an sawi.