July 21, 2023; Mizo Students Union (MSU) chuan July 24, 2023 a Meitei census neih an tum chu sawrkar hotute ngenna angin an thulh.

ZALEN thudawn danin, MSU te hi sawrkar aiawh home commissioner H. Lalengmawia leh hotu dang ten thil awmdan sawipuiin, Meitei census chu sawrkarin record a neih sa tawh thu te hrilhin, an thil tum chu thulh turin an ngen a ni.

He ngenna hi MSU chuan ngaihtuahin, sawrkarin record a neihsa chu ringtawkin hmalak an tumna chu an thulh a, thudawnna MSU hruaitute chuan, an hmalak tumna chu inrikrap leh in vauna lam ni loin, record a tana an duh vanga hmalak tumna a ni tih an sawi a, sawrkar chu zirna in hmun thenkhat a police duty a dah te hnuk kir turin a ngen bawk.