Aizawl: Mizo Students’ Union chuan Tripura-a Tuikukten Mizoram chhung Phuldungsei VC Area, Thaidawr tlanga Shiv Mandir sak hnatlang neih an tum chu tha lo an tih thu an sawi.

Nimina thuchhuah an siamah MSU chuan Tuikukten mandir sak an tum chungchangah hian October ni 15 khan Home Minister an hmu tih sawiin Shiv Mandir sak anih loh nana hma laa police-te pawh duty-tir nghal turin an ngen tih an sawi. MSU chuan Zampui Area a Mizo khaikhawmtu pawl Mizo Convention in Tuikukten Shiv Mandir an sak loh nana an hmalakna chu an thlawp tih sawiin, a tul anga pui tur leh kan ram humhim a nih theih nana hma la turin Thaidawr Tlangah hian MSU hruaitute chu an kal dawn niin an sawi.