July 25, 2023; Mizoram Kohhran Hruaitute Committee (MKHC) chairman Rev. C. Chawnghmingliana'n, sawrkar laipui leh Manipur sawrkar chu muanawm taka buaina ching fel turin kohhran hmingin a ngen.

Vawiin Manipur Zohnahthlakte thlavang hauhna kawngzawh neih a, programme pui ber hmanna Raj Bhvan Hmar lam gate bula neih ah hunserh hmangin, MKHC chairman chuan, Manipur Zohnahthlakte tuarna rapthlak tak chuan Zohnahthlak te rilru leh ngaihtuahna hmun khat min put tir tih a sawi.

Manipur buaina chu chi leh chi inkar buaina angin langsar mah se, a phenah kristian sakhaw nekchepna leh nuaibo duhna lian tak a in thukphum a ni tih hai rual a ni lo tih sawi bawkin, MKHC chairman chuan, Biakin thianghlim leh thawktute quarters 350 lai tihbawrhban leh hal a, meivap ah te chantir a nih tawh thu a sawi. "He thil thleng hian India ram dan pui Righ To Freedom of Religioon a kalh tlat a ni," a ti bawk.