September 5, 2022; September ni 1 atanga Motor Vehicles (Amendment) Act, 2019 hman a nih hnuah ni thum chhungin Aizawl ah dan bawhchhia lirthei 163 man tawh niin, chung mite pawisa chawi tlingkhawm chu Rs. 96,500 a tling a, dan thar hman hma aiin dan bawhchhia te pawisa chawi atanga sum hmuh punna a sang hle.

ZALEN in a chhinchhiah danin, September ni 3, inrinni ah two wheeler 46,  LMV 6, taxi 1, HMV 5 man an ni a, chung mite pawisa chawi tlingkhawm Rs. 33,800/- a ni. September ni 2 ah two wheeler 29,  LMV 13, Taxi 2, HMV 1 man ni bawkin, pawisa chawi tlingkhawm Rs. 21,100/- a ni.  

Dan hman than ni, September ni 1 ah two wheeler 45,  LMV 10, taxi 3, HMV 2 man niin, pawisa chawi tlingkhawm Rs. 41,600/- a tling. Dan thar hman hnu ni thum chhung a lirthei dan bawhchhia man tawh zat chu 163 niin, an pawisa tlingkhawm Rs. 96,500 a tling.

Hetihlai hian dan thar hman hma, September ni 29-31 (ni thum chhung) a Aizawl traffic police ten lirthei dan bawhchhia an man zat chu 202 tling, chung mite pawisa chawi tlingkhawm chu Rs. 36,200 a ni.