ZALEN February 12, 2025 : Excise and Narcotics Department chuan February 11, 2025 (Thawhlehni) tlai khan Champhai District-a Zote leh Myanmar ram, Bulfek inkar kawngah Opium gram 945 leh a neitu nia puh – Beirahnei (38) s/o Zaki, New Colony, Siaha; Chinsianmung (25) s/o Paukhantuang, Bulfek, Myanmar nia inchhalte an man.

He thila inhnamhnawih ve tho nia puh – Chinsiandawni (40) s/o Chinkapthanga (L), Bethel Veng Champhai-a khawsa nia inchhal chu February 11, 2025 zan dar 7:30-ah Champhai Vengsangah man a ni bawk.

Opium hi Tahan, Myanmar atanga lak niin Siaha-a hralh tura tih mek lai a ni.

Opium vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, vawiin February 12, 2025 khan District & Sessions Court, Champhai-ah hruai nghal an ni.