Aizawl August 24, 2024 : Customs Preventive Force Champhai leh Assam Rifles te chuan smuggling thila chet an laknaah Myanmar pawisa, Myanmar Kyat Vaibelchhe 25.55 (India pawisa-a Nuai 93.10) mi paruk ( Resident of Aizawl, Lunglei and Champhai) leh lirthei pahnih chu Mualkawi, Champhai district-ah August 22, 2024 khan an man.

Operation hi team pahnih Assam Rifles & Customs Preventive Force Champhai ten thu an dawn bawhzuia an hmalakna a ni a, Assam Rifles ten special Mobile Vehicle Check Post an siamah an lo man a ni.

Joint team te hian Lunglei leh Aizawl atanga Zokhawthar rawn pan te chu Mualkawi-ah hian an lo man ta a ni. Myanmar Kyat Vaibelchhe 25.55 (India pawisa-a Nuai 93.10) an man te hi Champhai Police kutah an hlan nghal a ni.