Aizawl February 2, 2024 : Kumina UPSC interview hmachhawn tur Mizoram-in a neih chhun KC Zalena, MCS chu vawiin khan MYC chairman Malsawmzuala Ralte nen chairman office ah an inkawm, MYC Chairman hian KC Zalena tan Mizo mipuite vawi khat tal tawngtai turin a sawm.

KC Zalena hi MYC in a sponsored zinga mi niin, nikumah pawh UPSC interview a lo hmachhawn tawh a, MYC chairman Malsawmzuala Ralte chuan, a interview turah tling ngei tura duhsakna hlanin, interview tura Delhi a kalna, hawna leh a cham chhunga a senso zawng zawng MYC in a tum sak tur thu hrilh a. Mizo mipuite chu KC Zalena tana vawi khat tal tawngtai turin a sawm bawk a ni.