ZALEN, Mar. 15, 2025: Mizoram Youth Commission (MYC) kaltlanga The Lalit Hotel hmunpui, Dabolim, Goa-a spa therapy training tur mi pariatte chu Thawhlehni khan MYC Conference Hall-ah thlah an ni.

Training programme hi MYC leh Bharat Hotels Limited, New Delhi ten thawhhona thuthlung (memorundum of understanding) an ziah anga kalpui a ni a. September 24, 2024 khan Mizo nula pasarih chu training turin kaltir an lo ni tawh.

V. Lalmuanpuii, Secretary kaihruaia mi pariat kal leh tur thlahnaah MYC leh training turte hian inremsiamna leh intiamkamna an ziak nghal bawk.

Training-a kal turte hi MYC officer-te chuan taima tur te, huaisen turte leh thawkrima duhsak tlaka nungchang mawi nei tur te, hnam dangte aia Mizo hnam kan hniam bik lohzia tilanga Mizo hnam timawitu ni turin an chah a. A kal turte pawhin an hriat duh ang an zawt bawk.

Mi pariat thlah takte hian Nilaini hian Aizawl chhuahsanin an inzirna tur hmun an pan ang.