ODF Plus Model campaign-ah MZI leh PHE inpuitawn dawn September 30, 2023: MZI President Er. Lalrothanga'n nimin, (September ni 29, 2023) khan MZI Hqrs. Mamit tlawhin, an hruaitute nen an inkawm a. Hqrs mawhphurhna leh tanlakna tur te sawihovin, MZI than zelna tura pawimawh leh branch hawn belh chungchang te an sawiho.

MZI President hian MZI Mamit Hqrs., Patron, Mamit Bawrhsap ni bawk VL Remliana nen pawh MZI Mamit Hqrs., in ram an neih theih dan tur te, kumin chhunga event liantham deuh Mamit-a buatsaih chungchang leh thu pawimawh dang te an sawidun bawk.

Nimina neih tan MZI Hqrs. Mamit buatsaih Khawthlang Lelte (malzaia inelna) hmun pawh MZI President chuan tlawhin, MZI Hqrs. Mamit hruaitute nen PHE Secretary leh Director, PMU te nen PHE hmalakna pawimawh pakhat ODF Plus Model campaign-a inpuihtawn dan tur te an sawiho a.

ODF Plus Model chungchanga campaign chu MZI Hqrs. Mamit-in MZI platform atangin an nei ang a, PHE-in financial support a pe ve thung ang. ODF Plus Model campaign thuchah Director, PMU PHED sawi leh MZI President Er. Lalrothanga thusawi an record nghal a ni.

MZI President chuan MZI Hqrs., Mamit-in an lo dawnsawn dan lawmawm a tih thu sawiin, PHE hotute leh mamit Bawrhsap ten MZI hmalakna hrang hranga theihtawp chhuahpui an inhuamnaah lawmthu a sawi bawk.