September 21, 2023; Mizo Zirlai Pawl (MZP) hruaitu thar thlanna vawiinah neih a ni dawn a, hruaitu thar tur hi line up hnih atangin chuh an awm dawn.

MZP hruaitu thar 2023-25 term thlan turah hian vice president ni lai, Andrew F. Lalramnghaka line up leh Asst. General secretary lo ni tawh, ECM ni lai H. Lalthianghlima line up an awm a, line up pahnih atang hian hruaitu thar thlan a ni dawn a ni.

MZP hian vawiin chawhma dar 11 hian Vanapa Hall ah Assembly vawi 67-na leh Election 2023 an nei ang a. Inkhawm hi Assembly Organising Chairman R. Lalrokima, ECM in kaihruaiin Assembly Organising Secretary leh Editor David Lalromawia’n report a pe ang.

President kal chhuak tur Lalnunmawia Pautu in thu a sawi ang. Hruaitu thar an inthlang ang a, vote chhiar hlanin variety programme hman a ni bawk ang.