ZALEN July 22, 2025; Mizo Zirlai Pawl (MZP) chuan, tun anga Mizoram kawngpuite an ngaihthah reng a nih chuan Aizawl a NHIDCL office khar sak an tum tih an sawi.

Vawiin a thuthar thehdarhtute an kawmna-ah he thu hi sawiiin MZP president H Lalthianghlima chuan, Mizoram ei leh bar lakluhna kawngpui pawimawh em em, kal hleih theih loh khawpa a chhiat laia NHIDCL hotute ber Executive Director in August ni 7 thleng chawlh a la daih mai chu hriatthiam har an tih thu a sawi. "NHIDCL Executive Director hi Mizoram a awm tlakah MZP chuan a ngaih loh bakah, a deputation term a tawp tawh avangin, term pawhsei a remti lo a, NHIDCL E.D hi Mizoram-ah lo let tawh lo turin a hriattir nghal a ni," a ti.

#ZalenNews