MZP-in Imphal atanga Mizo zirlai te lachhuak turin CM ngen || Manipur buaina MZP chawh chhuah a ni lo - MZP
![](/storage/news/post/5NhajioKmTu8oGm4KFTrv7ZlWXRhVjJ1wTRBP8jo.jpg)
Aizawl May 4, 2023 : Manipur state-a chi leh chi kara buaina chhuak avangin MZP hruaitute leh Adviser te chuan vawiin tlai khan Chief Minister Zoramthanga chu a office-ah an hmu a, Imphal-a Mizo zirlaite chu an sahimna atan lak chhuah ni se tiin an ngen. MZP chuan buaina chhuah chhanah puh an nih chu Zofate thendarh tumnaa an ngaih thu an sawi bawk.
Chief Minister Zoramthanga chuan Imphal-a Mizo zirlaite chu thlawhtheihna hmanga thiar chhuah a tul a nih chuan Mizoram sawrkar a inhuam thu leh hmalak nghal a nih tur thu a lo hrilh. MZP chuan Imphal-a Zofate chu chhuah phalsak an ni lo a, hei hi hriatthiam har an tih thu Chief Minister hi a lo hrilh a, Mizoram Chief Minister Zoramthanga leh K. Vanlalvena MP (RS) ten chak taka, India sawrkar leh Manipur sawrkara thuneitute rang taka bia a, hma an lak nghal avangin MZP chuan lawmawm an tih thu an sawi.
Manipur-a buaina chhuak chungchangah mi thenkhatin MZP-in Zofate thlavang hauhna thu a chhuah avanga buaina hi chhuak angin thu thehdarh a awm a, MZP chuan, "Hei hi Zofate tihphel tumna leh thiam loh chantir tumnaah a ngai. MZP-in thuchhuah a siam avanga buai an ni lo a, an buai avangin MZP chuan thuchhuah a siam zawk a ni," an ti.
MZP chuan, "He thil thlen chhan hi, Manipur sawrkarin, Manipur-a Zo hnathlal ten kum za tam tak an lo luah tawh ram, Reserved Forest Area-ah puang a, nasa takin a nawr chep mek vang a ni a. Hetiang hi kan unau ten duh loin hma an la ta a ni. Kan unaute nawr chepa an awm laiin MZP chuan an thlavang a hauh a, hetiang hi thil awm dan dik tak a nih zâwk avangin, kan thuchhuah leh kan hmalakna avang hian, Manipur-ah buaina a chhuah phah lo a, Zofate nekchepa an awm avanga an dikna chanvo chang tura hma a laknaah a thlawp thu a sawi zawk a ni," an ti.
MZP chuan khawvel hmun hrang hranga Zofate ten harsatna an tawhin tunhma atanga an thlavang an hauh an lo nei tawh thin an ni a, a tul chuan an neih chhunzawm zel tur thu an sawi. Hetiang buaina a chhuah avanga Mizoram chhunga hnam dang cheng ten harsatna an tawk a nih chuan MZP chuan mawh an phur loh tur thu an sawi bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024