Mizo Zirlai Pawl (MZP) General Headquarters bultumin Manipur-a Zohnahthlak harsatna tawkte tanpui nan vawiin leh naktuk hian Mobile Charity Concert buatsaih a ni dawn. 

Mibile Charity Concert hi Aizawl-ah neih a ni dawn a, vawiin bikah Kulikawn-ah bultan ni ang a. Kulikawn zawh hian Sikulpuikawn, Khatla, Temple, Vaivakawn leh Chhangurkawnahte chhunzawm a ni ang. Concert hi dar 11Am-ah tan tur a ni. Naktukah chuan Charity Concert hi chawhma dar 10AM atangin Zemabawk-ah bultan a ni ang a, khawpui hmun hrang hrangah chhunzawm a ni leh bawk ang. 

He hunah hian zaithiam hrang hrangte an zai dawn a, bawm dawh a ni ang. Heta tanga sum lutte hi Manipura Zohnah thlak harsatna tawk mekte chhawm dawlna tur a ni. 

He Mobile Charity Concert hi MZP, Active Sound leh ZO Event Management tangkawp ten an buatsaih a ni a, Zoremi Ralte, Ramtiami, Israel Lalbiakrema, Angela Malsawmpari, Maruati, Puipuia, Bzi Chhangte, Lalthlengliani Jongte, Zorinzuali Khiangte, Rachel Lalnunkimi, Kimkima leh zaithiam dang thahnem tak an zai dawn a ni.