ZALEN February 5, 2025 : Vawiinkhan MZP hruaitute chuan Dr. Akshaya Kumar Mohanty, Associate Professor, Dept. of Economics; Mizoram University laka zirlaite atanga complain an dawn bawhzuiin Mizoram University Vice Chancellor, Prof. Debakar Chandra Deka chu a Pisapui-ah an hmu.

MZP hruaitute chuan, zirlaite harsatna thlenna hmun Students Grievance Redressal Committee (SGRC), Mizoram University-in hmalâkna report an la neilo chu hriatthiam har an ti a. A rang thei ang bera Dr. Askhay hian a phu tawk hremna a hmuh ngei theihna turin Vice Chancellor chu hma la turin an ngen a, February 2025 chhung ngei a hmalakna a awmlo a nih chuan na takin MZP chuan hma an lak chhunzawm tur thu an sawi.

MZP chuan Dr. Akshay Kumar chungchanga hi June 16, 2024-a Registrar kaltlanga zirlai 20 chuangin amah complaint na lehkha an thehluh bawhzuina report engmah a la awm loh mai bakah, zirlai tam tak amah avanga rilru lama harsatna an tawk hial leh kutthlak hial a neih thu te hriat chuan rilru a ti na a, hetiang zirtirtu hi Mizoram University a thawk reng tlak ah an ngai lo a, MZP hruaitute chuan zirlaite hmakhua ngaiin VC chu a rang thei ang bera hma lo la ngei turin an ngenin an hriattir a ni.