ZALEN July 31, 2024; Vawiin (31.7.24) khan MZP General Headquarters hruaitute chuan, Assam leh Mizoram ramri, Assam-in hmathar an lakna hmun Aitlang, Vairengte an tlawh.

Chawhma dar 11 khan, Joint YMA Vairengte leh Joint VC hruaitute nen Joint meeting neih niin, he inkawm khawmna ah hian MZP hruaitute chuan; ralkhat atanga rawn thlir ringawt lo a khawtlang hruaitute atang ngei a thil chiang zawk hriat an tum vang a ni tih an sawi. Vairengte khawtlang hruaitute chuan an camp panna kawng motor tlan theihna tura blacktop emaw block phah a nih ve loh thu leh awlsam taka kal zung zung theih ala nilo chu MZP hruaitute hnenah hian sawrkar chak zawka nawr turin an lo ngen.

MZP hruaitute chuan, tun hnaia social media a video rawn viral a, Assam Police in an camp panna kawng motor luh theih nana Samuela huan bul an laih leh Chhandama huan a Assam Police in a camp an rawn nei nia langte chu a hmun ngeiah kalin, an zuk enfiah nghal a ni. Mizoram lam 3rd Battalion MAP awm mekna piah lama kawng an laih mek chu ruah a sur avanga an chawlh rih thu zawhfiah niin, MZP chuan Assam Police lam in a an kawng rawn sial chu August ni 9, 2024 hma a Assam leh Mizoram sawrkar nen a inbiakna awm leh hma chu hnathawh hi ti tawp rih tura hmala turin thuneitute an ngen.

He hunah hian, MZP hruaitute hi Victor Lalawmpuia, SDO leh H. Lallunghnema, SDPO te'n an tawiawm a, MZP Headquarters Kolasib, MZP Sub-Headquarters Bilkhawthlir leh MZP Sub-Headquarters Vairengte te'n an tawiawm bawk.