February 1, 2024; NSUI (Mz) president RB. Lalmalsawma'n Mizoram University (MZU) ah RSS chhulchhuak thawk an tam tual tual tih sawiin, state dang atang pawhin zirlai rawn pan tu an thahnem sawt hle niin a sawi.

Vawiin a press statement a siamah National Students Union of India, NSUI (Mz) president chuan, India ram zirna tha zingah pawh langpha, MZU leh thawktu, zirlaite hi NSUI (Mz) chuan a chhuang em em thin tih tarlangin, tunhnai deuh atang khan MZU ah BJP zirlai pawl, Akhil Bhartya Vidyarthi Sangh (ABVP) chuan branch din tumin hma an rawn la tih a tarlang.

MZU a thawkte leh MZUSU te leh MSU te'n a tul anga hmala vat a huaisen taka dodal a nih vangin BJP - zirlai pawl din a ni ta lo tih tarlang bawkin, "Hnamdang zirlaite hian zirlai hruaitu nihna MZU ah an rawn chuh ngam ta hialin, tling pawh an awm nia hriat a ni a, hnamdang chuh ve te tlin theihna atan hian state danga mihausa leh minister lawk tak tak anin rawlh a sawi a awm," tiin a tarlang.

"Kan rama mi pawimawh mawh hi RSS pachal an la rawn ni dawn chauh a, chuvangin kan rama zirlai pawl MZP leh MSU te leh tlawmngai pawl hrang hrang, he hnam hmangaihtute hi an lo kalna ve a, an chena ve ta a nih pawhin dem mai loin i support tlat ang u, kan ram, kan hnam a him loh chuan nang pawh zuah i ni biklo ang," tiin NSUI (Mz) president chuan a tarlang bawk.