ZALEN January 30, 2024 : Mizoram University hnuaia pawl pa nga - Mizoram University Students’ Council (MZUSC), Mizoram University Research Scholars’ Association (MURSA), Mizoram University Alumni Association (MIZUAA), Mizoram University Teachers’ Associations (MIZUTA), Mizoram University Non- Teaching Employees’ Association (MUNTSA) te chuan thuchhuah siamin MZU-a reserch scholar pakhatin Arambai Tengngol te tana sum a tuak nia an hriat hriat chu pawm theih a ni lo, tiin thuchhuah an siam.

Heng pawl te hian remna leh muanna a thlen theih nan theihtawp an chhuah tih an sawi a, May 3, 2023 atang khan heng pawl te hian chi hrang hrang awm khawmna Mizoram University-ah hian tharum thawh a nih lohna turin hma an la an ti a, May 4, 2023 khan thuchhuah intawm an nei tih an tarlang. July 27, 2024 khan remna a awm theihna turin lungrual takin intawhkhawm an nei an ti bawk.

Teresa Ningthoujam, Ph.D Scholar, Department of HAMP, Mizoram University a zirlaiin Arambai Tenggol te tana social media lamah sum a lak chu pawi an tih thu an sawi a, hei hian Muzoram University campus chhungah hnam bil thila boruak tha lo a thlen tir chu pawi an ti.

MZU hnuaia pawl hrang hrang te chuan zirna sang zawnka zirlaiin hetianga hnambil khawih thei thil zawnga hma a lakna chu an dem tih an sawi a, University campus-a hetiang thil thleng hi an duh loh bakah thil thleng tura an ruat ngai loh an ti. Muzoram University chhunga remna leh muanna a awm theih nan theihtawp chhuah an tum a, hetiang ang hi zirna hmun leh a kaihhnawih thilah a thleng tawh lo turin an duh tih an sawi.

President

Mizoram University Students’ Council

President

Mizoram University Research Scholars’ Association

President

Mizoram University Alumni Association

President

Mizoram University Non-Teaching Employees’

Association

President

Mizoram University Teachers’ Association