Nagaland sorkar thuneitute chuan heng zinga tam tak hian an chhungte an bel a, belh tur nei lote chu an luhna khaw miten awmna tur an lo buatsaihsak niin a sawi bawk.

“Nagaland sorkarin an zat tak a la chhiar lo va; mahse, tuna kan hriat chinah chuan mi 1,500 vel an lo lut tawh a ni,” tiin Home Commissioner Abhijit Sinha chuan PTI a hrilh.

Thla hmasa tir lam atanga Meitei leh Kuki hnam inkara buaina chhuak avang hian mi 100 velin nunna an chân tawh a, sipai leh para-military mi 10,000 vel tirh luh niin buaina hmeh mih tum a ni.

Buaina hi Metei-ten Scheduled Tribe-a tel ve phutna duh loh lantir nana tribal-ten May 3-a ‘Tribal Solidarity March’ an huaihawt atangin a intan a ni.