CoVID - 19 vanga kum hnih chhung football tournament lian tham siam a nih loh hnua siam leh hmasak ber LBS Suzuki Inter Village Football Tournament khelh mekah quarter-final lut team an hriat kim tawh a, a hmuhnawm dawn. 

Inrinni lam khan team ruk ten quarter-final an lut tih hriat a ni tawh a, vawiin lam khan Round of 16 match hnih khelh leh niin Armed Veng South LC leh Ramhlun North LC te'n an khingpui ve ve hneh ve ve-in quarterfinal an lut ve leh bawk. 

Tihian quarter-final-ah Aizawl khawpui chhung Local Council pathum bakah Aizawl pawn atang Village Council team nga te an lut a, naktuk atangin AR Lammual-ah an khel tan ang. Quarter-final lut Lengpui VC, Republic Veng LC, Champhai Kanan VC, Farkawn VC, Sialhawk VC, Hnahthial Jt VC, Armed Veng South LC leh Ramhlun North LC te hi team tha tak vek an ni a, team tha tak tak hneh thei an nih vangin an intum tur hi a hmuhnawm dawn tih a chiang. 

Vawiin July ni 11, thawhtanni Round of 16 inkhel result:

Armed Veng South LC 6-0 Bungkawn LC
Lalhmangaihsanga 11' Lalrammuanpuia 14' Lalnunsanga 20' 65' Laldinpuia Chawngthu 28' R Laldinliana 79'

Ramhlun North LC 3-1 Thenzawl West VC
K.Lalrosanga 56' 81' PC Lalhruaisanga 90'+3  - Lalhmingliana Kawlni 1'

Quarter Final Fixtures
July 12, 2022 | AR Lammual
12:30PM Hnahthial Jt. VC Vs Lengpui VC
03:30PM Republic Veng LC Vs Champhai Kanan VC 

July 13, 2022 | AR Lammual
12:30PM Farkawn VC vs Sialhawk VC 
03:30PM Armed Veng South LC vs Ramhlun North LC