Aizawl: Mizoram sawr-kar, Disaster Management & Rehabilitation Department (DM&R) chuan nimin khan thuchhuah siamin naktuk Thawhtanni atang chuan school, college, educational leh coaching institution-te chu inkaihhruaina dan zawm chungin class an kal a phalsak.

Nimina hriattirna a tihchhuah ah DM&R department chuan Containment area pawnah chuan pawl 9 leh pawl 12 zirlaite chu anmahni duh thlanna in an zirtirtute rawn chungin sikul an kal thei a, hemi tur hian an nu leh pa/ guardian te phalna ziakin school-in an la tur a ni, a ti. School-ah hian teaching leh non-teaching staff te chu online teaching/counseling pe turin 5O% aia tam lo kal phal a ni ang.

Industrial Training Institutes (ITIs), National Skill Development Corporation emaw Central sawrkar hnuaia Ministry dang emaw State sawrkar hnuaia short term training centre anga in-register te chu Skill/ Entrepreneurship training neih phalsak a ni bawk a, heng zirna hmunah hian sawrkarin himna atana inkaihhruaina dan a siam Standard Operating Procedure (SoP) chu uluk taka kengkawh tura tih a ni.