ZALEN March 13, 2025 : Naktuk hian All Mizoram Petroleum Dealer Association (AMPEDA) te chuan an hnathawkte pualin Berawtlang-ah intihlimna hun buatsaih an tum avangin petrol pump tam zawk chu khar a ni dawn.

AMPEDA President Lalnghakliana hnen atanga ZALEN thudawn danin tun tuma pump an khar tur hi chu a tha lam a nih thu a sawi a, an hnathawkte - manager atanga filler thlengin intihhlimna hun an hman dawn avangin pump hi khar a nih tur thu a sawi a, mipui hriatthiamna a ngen nghal bawk.

AMPEDA President chuan pump zawng zawng erawh an member an nih loh thu a sawi a, mahse, heng ho te pawh hi inkhar ve turin an ngen a ti a, chutihrualin Mizofed pump erawh sawrkar pump anih avangin an tel ve dawn lo a ti.