Aizawl: National Highways and Infrastructure Development Corporation (NHIDCL) ten National Highway an laih turah forest clearance an dil chu a zau lutuk nia hriat avangin enfiah that a ni a, 'deemed forest' chu forest department leh NHIDCL ten 'Joint verification' nei tha leh se an ti a. Competent Authority for Land Acquisition (CALA)  pawhin a tul a nih chuan assessment neih pawh that a ni ang tih a sawi.

Zirtawpni kalta khan ram hi a hmunah enfiah a ni a, kawngpui thar laih turin kawnghlui a rawn zawhna lai zel chu en a ni a, kawng enna ah hian Competent Authority for Land Acquisition atana a ruat Lallawmawma,Addl. DC Kolasib chuan NHIDCL ten forest clearance an dilah ram an lak tur chu a zau lutuk nia hriat vangin tihzim dan a awm em tih an en thu a sawi. NHIDCL ten Forest Clearance an dil chin en thatnaah hian Kolasib DFO, DC office atangin Vanlalmuana SDC, Nodal Officer bakah NHIDCL atangin Project Manager Shaksham bakah Revenue department atangin Settlement Officer C.Lalmuanpuia te an tel a ni.