Aizawl: Nihnih chhung (January 23-24, 2021) awh tur, 69th Plenary Meeting of North Eastern Council chu nimin khan Shillong-ah neih a ni a. Meeting-ah hian Home Minister Lalchamliana chu Mizoram aiawhin a tel a. NEC chuan hmasawnna hna tam zawk kalpui tura sum leh paiah pawh thuam chak zel ni thei se a duh thu a sawi.

NEC meeting hi Union Home Minister leh NEC Chairman ni bawk Amit Shah hova neih a ni a. He meeting-ah hian Dr. Jitandra Singh, MoS, Ministry of DoNER leh North East States Governors, Chief Ministers, Chief Secretaries te leh Planning Secretaries te an tel tha hle.

Home Minister Lalchamliana chuan thu sawiin Mizoramah NEC project tha tak tak kalpui tawh thin a nih thu leh kalpui mek a nih thu sawiin hmasawnna hna tam zawk kalpui tura sum leh paiah pawh thuam chak zel ni thei se a duh thu a sawi.

Agenda sawihonaah Home Minister Chama chuan Mizoram chuan bamboo sector lamah chak taka hma a lak mek thu a sawi a. Oil Palm-ah pawh NE state zingah hmala hmasa leh hmahruaitu a nih thu a tar lang bawk.

Oil Palm kalpui zelna turah zirchianna mumal neih a pawimawh a tih thu sawiin Oil Palm chingtute tana harsata awm thei leh ram tana tha tur zawka kalpui dan tur mumal tak ruahman hmasak theih nise tha a tih thu a sawi a.

NEC meeting ah Chama’n NEC thuam chak rawt - Horticultre lamah pawh chak zawk leh hlawk zawka hma la thei turin post harvest management lam te, transpostation leh cold storage lam ngaihpawimawh a tul a tih thu a sawi bawk.

Lalchamliana chuan project management lamah hmasawnna nei turin multilateral leh bilateral funding agencies te nen technical cooperation neih nasat a thaa a rin thu tar langin External Aided Project hmu tha lehzual turin funding pattern siam tha a 20% counterpart funding state atanga phut chu tihbo nise tiin a rawt a. Pandemic avanga State sum dinhmun tha lo siamtha tura theihtawp chhuah a tanpuina buatsaih turin central sawrkar a ngen bawk.