SpaceX hotupa Elon Musk chuan US Dollar tluklehdingawn 44 ($tld 44) zetin Twitter a lei ta riap mai le - a leina sum hi tam rem rem tak ni. Kum 50 mi Elon Musk hian Twitter a lei rual hian 'censorship' a tih tlem tur thu a sawi nghal a, hei hian kawng hrang hrangah zalenna zau zawkin a hawng dawnah mi tam tak chuan an ngai a, human rights group te beng pawh a verh nghal zar mai. 

Twitter-in neitu thar a neih hnu hian a hmangtute chuan account suspend mekte company lamin an hlihsak dawn em tih chu an zawhna lian ber pakhat a ni nghal a, chhanna erawh an la dwng lo. Account suspend mek zingah hian Donald Trump pawh a tel aa, a chungchang hian ngaihven a hlawh zual ang. 

US president hlui Donald Trump hi an ramin harsatna a tawh lai a, mipui fuih pawrh thei zawnga Twitter kaltlanga thu a post avangin hun eng emaw chen a account khawih chet theih loha hren sak a ni tawh. 

Khawvela hausa ber nihna dinhmun luah mektu Elon Musk hian Twitter CEO a thlak nghal ang em tih chu zawhna awm nghal a ni bawk. Twitter CEO ni lai Indian-American software engineer Parag Agrawal hian CEO nihna hi thla nga chhung a la chelh thei a, hmei ral hmaa a ban a nih chuan $mtd 42 a pek a ngai dawn nia tarlan a ni. 

Elon Musk hian Twitter kalphung a sawisel a, legal chief Vijaya Gadde pawh a bei a nih kha. Elon Musk hian engtiangin nge Twiiter hi a kal chhoh pui zel ang tih chu khawvelin a thlir mek a ni.