Streaming giant Netflix chuan ram 30 chuangah subscription fee an tih hniam thu an puang a, hei hi subsciber an ngah zawkna tura an ruahmanna a ni. Fee an tihniamna hi - Asia, Europe, Latin America, sub-Saharan Africa leh Middle East lamte an ni.

Netflix hian elpui an nei ve reng a, ding chang turin subsciber an mamawh hnem tih an inhria. Hemi denchhen hian fee an tihniam a, an thatpui dawn em tih chu hunin a la hril dawn a ni. 

Ram thenkhat - Malaysia, Indonesia, Thailand, Philippines, Croatia, Venezuela, Kenya leh Iran-ahte chuan subscription fee hi an lo tihniam sa tawh a, hetih lai hian UK leh US-ah chuan tihniam tumna an nei rih lo niin a lang. 

Netflix hi ram 190 zetah an inzar pharh tawh a, huang pawh an zauh belh zel. Hetih lai hian streaming platform dang - Amazon, HBO leh Disney te chuan an rawn el chho nasa hle a, hei vang hian subscription fee pawh hi an tihniam niin a ngaih theih a ni. Netflix co-chief executive Greg Peters pawhin thla hmasa mai khan subscriber an puin theihna tura ruahmanna an siam tur thu a lo sawi tawh bawk. 

American media company Netflix hian nikum April leh June inkar khan subscriber maktaduai khat dawn an hloh a ni.