ZALEN, Mar. 14, 2025: Mizo nula, Zodinpuii Fanai chu New York, US-a United Nations buatsaih, 69th Commission on the Status of Women (CSW69) neih mekah palai niin a thang mek.

CSW69 hi Pathianni atanga tan kha niin Zirtawpni thleng a awh dawn a. Mizoram atanga palaia kal, Zodinpuii Fanai hi Salvation Army India Eastern Territory-a member niin an kohhrana hmeichhiate intelhkhawmna, International Social Justice for Girls Committe-ah member a ni mek bawk.

Ram 13-a Salvation Army hmeichhiate intelkhawmna, International Social Justice for Girls Committee-ah hian Zodinpuii Fanai hi kum hnih member ni tawhin hmeichhe 37 leh officer in-charge pathum an awm a, conference-a palai tur hian hian officer in-charge leh senior advisor-ten an thlang a ni.

UN CSW hnuaia meeting pakhat, ‘Girls on Fire’ tihah panelist atan thlan a ni bawk a, hetah hian hmeichhiaten kawng hrang hranga harsatna an tawh chungchang a sawi dawn a ni.

Conference-a a kal man senso hi Salvation Army International Headquarters (IHQ)-in a tumsak a ni.