Thuthang dik lo
Aizawl: Mizoram Police chuan thuchhuah siamin tun hnaia Mizoram chhung hmun 3 a naupang rukbo tumna awm anga thuthang chu chhuichian anih hnu ah thu belhchian dawl lo a ni tih an sawi.Police te chuan he thilah hian mipuite chiai lo turin an ngen a, beng an chhi reng tih an sawi bawk.

Thisen pe
Nimin khan EBCC Kohhran Thalai Pawl, Baptist Youth Fellowship (BYF), Aizawl chuan an din champha Silver Jubilee pualin Civil Hospital, Aizawl-ah a mamawh apiangte hman turin thisen unit 44 an pe a, thisen petute hi mipa 38 leh hmeichhia 6 an ni. Chawnpui Vengthlang Branch KTP in Synod hospital-a damlo mamawhte hman atan unit 20 an pe a, Maubuang Branch KTP ten Zoram Medical College ah unit 22 an pek bakah Champhai Taxi Drivers Association ten an din champha pualin Champhai damdawiin ah unit 21 an pe bawk.