Thisen pe

Nimin khan Armed veng Branch KTP chuan Civil hospital a damlo mamawhte hman atan thisen unit 34 an pe a, Upper Republic KTP in unit 20 an pe bawk. Nimin vek khan Zonuam Pastor bial KTP ten Synod hospital tan unit 48 an pe bawk.

CM fund pe

Aizawl: Mizoram Bharat Scouts and Guides chuan nimin zing khan COVID-19 avanga puih ngaite puihna turin Chief Minister's Relief Fund for COVID-19 ah member-te pawisa thawhkhawm Rs. 40,000 chu Chief Minister Zoramthanga hnenah an hlan. Puihna sum hi State Chief Commissioner in a hlan a. Mizoram Bharat Scouts & Guides hian Prime Minister Cares fund ah Rs.21,975 an lo hlan bawk a ni.

Office rawktu man

Aizawl: May ni 19,2020 zan khan 2nd IR Office, Khawzawl ami chu misualin an rawk a, Police te chuan a rawktu Biakzauva leh a nupui Muanpuii te chu manin thubuai an siamsak. Biakzaua te nupa hian office pawisa nuai 3 chuang an la a, an hnen atang hian Rs. 1,62,500 hmuh let a ni a, a dang hi an lo hmang hman nia thudawn a ni. Biakzauva hi 2nd IR, Khawzawl a thawk mek nia thudawn a ni.